RUGANO RWA MUTIGAIRE GEORGE MATHAI NDERITU
GUCIARWO
Mutigaire George Mathai Nderitu aciarirwo mweri 1 January 1956, itura-ini ria Karangia, Thigingi location, Tetu Division, Nyeri County. Ni mwana wa keeri wa atigaire Joseph Nderitu Mathenge na Felishina Wangari Nderitu. Maciaraniirwo na Paul Mathenge, mutigaire Teresia Muthoni, Lazarus Gacheru, Margaret Wambui na John Kabui. Ni mu/waithe wa mutigaire Wanjiku, mutigaire Mathenge, Wangechi, Kanyogo, Gacheru, Wairimu na Simon.
KANITHA
Mutigaire George Mathai arereirwo ni aciaari ake kanithaini wa Catholic wa Karangia. Mwakaini wa 1971, nĩabatithirwo ni Fr. Francis Vacari na agituika murumiriri wa kanitha mũno. Kuuma uninini wake aarĩ na wendo mũno wa maũndũ ma kanitha na muno muno ari mutongoria wa choir kana Choirmaster. Niacokire agithamira guku Ngarendare na agithienambere na gutungata na agikorwo ario murumiriri mwega na gutungata Kanitha.
GITHOMO GIAKE
Mutigaire George Mathai niambiriirie githomo giake cukuru wa muthingi wa Karangia kuuma mwaka wa 1965 ginyagia mwaka-ini wa 1972. Thuutha ũcio, niacokire gũthomera uterefa okou Nyeri.
KUHIKANIA GWAKE
Mutigaire George Mathai nimacemanirie na mwendwa wake Juliah Wangechi Mathai mwaka-ini wa 1984 na makihikania uhiki wa Ugikuyu. Ni macokire makieruhia uhiki wao thiini wa Kanitha wa Ngarendare Catholic Church mwaka-ini wa 2002 rungu rwa Fr. Samson Kigorwe. George niararathimitwo na ciana cia anake na cia airitu na tucucu tuingi.
UTONGORIA
Mutigairi George Mathai Anatungata ta mutongoria wa ikundi mwanywa mwanya hamwe na kanitha, gikundi kia maai, kimame clan ari secretary, Thukuru, ari ta mutungati wa ugima wa mwiri na ingi nyingi.
NDWARI YAKE
Mutigaire George Mathai niambiriirie guthinio ni mwiri kuuma mwaka wa 2017 niakoretwo akirigitwo thibitari mwanya mwanya; ta Chongoria, Kiirua Mission Hospital, Lewa Dispensary, Nanyuki Cottage na Nanyuki Teaching and Referral hospital. Kuri mweri 9 January 2026 ni atwarirwo thibutari wa Nanyuki Teaching and Referral Hospital na agikoma. Mweri 10 January 2026 ta thinacara cia hwaini ni ahurokirio ni Mwathani.
George Mathai arari na ukuru wa miaka 70. Niatiga mutumia na ciana na tuguka tuingi.
Mwathani umunegere kihuruko gitathiraga
Na utheri wa hingo ciothe na umutheragie
Arohuruka uhoro, nigutwike guo X3